142. เว+ฏ

อิติ จตฺถสมาเส สพฺพาทิการิยํ น โหติ, นิจฺเจน เอฏอาเทสปฺปสงฺเค อยํ สมฺปตฺตวิภาสาฯ ปุพฺพุตฺตเร ปุพฺพุตฺตราฯ เสสํ สุคตสมํฯ

โย, เยฯ ยา, ยาโยฯ ยํ, ยานิ อิจฺจาทิ สพฺพสมํฯ ยาทีน+มาลปเน รูปํ น สมฺภวติฯ

ตฺย สิ –

128. ตฺย+เต+ตานํ ตสฺส โส

ตฺย+เต+ตาน+มนปุํสกานํ ตสฺส โส โหติ สิมฺหิฯ สฺโย, ตฺเยฯ สฺยา, ตฺยา, ตฺยาโยฯ ตฺยํ, ตฺยานิ อิจฺจาทิ สพฺพสมํฯ

โส,

131. ตตสฺส โน สพฺพาสุ

ตสทฺทสฺส ตสฺส โน วา โหติ สพฺพาสุ วิภตฺตีสุฯ ‘‘ตฺย+เต+ตานํ ตสฺสา’’ติ จ เอตฺถ ตฺยาทีนํ ตการคฺคหณํ สฺยา สา เอสา นาโยติ อิตฺถิยํ สพฺพสมา โหตีติฯ เน เตฯ นํ ตํ, เน เตฯ เนน เตเน, เนหิ เนภิ เตหิ เตภิฯ

132. ฏ สสฺมาสฺมิํสฺสายสฺสํสฺสาสํมฺหามฺหิสฺวิ+มสฺส จ

‘‘ฏ ส+สฺมา+สฺมิํ+นํสฺมิ+มสฺส จา’’ติ วุตฺเตปิ เตสํ วิภตฺตีนํ อาเทเสสุ สฺสายาทีสุ ปเรสุ ‘‘ตทาเทสา ตทิว ภวนฺตี’’ติ ญายา ฏาเทเส สิทฺเธปิ ยาทิอาเทสนฺตเร ปเร นิวตฺตนตฺถํ สฺสาทีนํ คหณํฯ

สาทีสฺวิ+มสฺส ตสทฺทตการสฺส จ โฏ วา โหติฯ ปุพฺพสฺสรโลโปฯ เอว+มุปริปิฯ อสฺส นสฺส ตสฺส, เนสํ เนสานํ เตสํ เตสานํฯ อมฺหา อสฺมา นมฺหา นสฺมา ตมฺหา ตสฺมาฯ อมฺหิ อสฺมิํ นมฺหิ นสฺมิํ ตมฺหิ ตสฺมิํ, เนสุ เตสุฯ

อิตฺถิยํ สา, นา นาโย ตา ตาโยฯ นํ ตํ, นา นาโย ตา ตาโยฯ นามฺหิ –

46. สฺสา วา เต+ติ+มา+มูหิ

ฆปสญฺเญหิ ต+เอต+อิม+อมูหิ เอกตฺเต นาทีนํ สฺสา วา โหติฯ อนฺตสฺสรานํ ฆปโวหาเรน ตํสหจริตาปิ สทฺทา ‘‘กุนฺเต ปเวสยา’’ติ ญายา คยฺหนฺตีติ ‘‘ฆปสญฺเญหิ ต+เอต+อิม+อมูหี’’ติ วุตฺตํฯ วาฏาเทเส อสฺสา นสฺสา นายฯ

53. ตาย วา

สฺสํสฺสาสฺสา เยสุ ตสฺส วา อิ โหติฯ ติสฺสา ตสฺสา ตาย, นาหิ นาภิ ตาหิ ตาภิฯ สสฺส วา สฺสามฺหิ อสฺสา นสฺสา ติสฺสา ตสฺสาฯ